Polshalyq ınvestorlar Túrkistan oblysynda zaýyt salady
«Túrkistan» ÁKK» AQ fılıaly - «TURKISTAN INVEST» kompanııasynyń syrtqy baılanystar jónindegi basqarýshy dırektory Baıan Kaıýpovanyń málimetinshe, mundaı sheshim sheteldik kásipkerlerdiń Túrkistanǵa arnaıy sapary barysynda qabyldanǵan. TURKISTAN INVEST basshylyǵy men polshalyq FCA kompanııasynyń ókilderi arasynda kezdesken.
Atalǵan kompanııa - Polshadaǵy optıkalyq televızııalyq júıeler men baılanys jelilerin qurý úshin paıdalanylatyn talshyqty-optıkalyq júıeler salasynda qyzmet etip júrgen eń iri kompanııalardyń biri. Onyń ónimderi joǵary sapaly, únemdi, berik jáne ádemi dızaında shyǵarylady. Taǵy bir mańyzdy tusy - óndirilgen ónim baǵalary naryqtyq baǵadan tómen bolady, jáne de Túrkistan óńirindegi talshyqty-optıkalyq júıeler salasyndaǵy tuńǵysh óndiris oshaǵy bolmaq. Aldaǵy ýaqytta jobany júzege asyrý jáne iske qosý aıasynda jergilikti mamandar Polshada kásibı oqýdan ótedi. 
Kezdesý qorytyndysy boıynsha taraptar ortaq jumys josparyn túzýge kelisti. Oǵan sáıkes TURKISTAN INVEST qyzmetkerleri jobanyń ár kezeńinde ınvestorlarǵa súıemeldeý kórsetedi.
Sonymen qatar, Túrkistan oblysyna jasaǵan is-sapar aıasynda polıak kásipkerleri Ahmet ıAsaýı atyndaǵy Halyqaralyq qazaq-túrik ýnıversıtetiniń basshylyǵymen kezdesti. FCA ókilderi telekommýnıkatsııa jáne baılanys salasynda qajetti kadrlardy daıarlaýda ýnıversıtetpen yntymaqtastyq ornatýǵa nıet bildirdi. Kelissóz barysynda bolashaq mamandar teorııany tájirıbemen biriktirýge qolaıly zerthana qurý týraly usynys aıtyldy. Óz kezeginde, HQTÝ basshylary ózara tıimdi áriptestikke daıyn ekendikterin bildirdi.
Aıta keteıik, TURKISTAN INVEST kompanııasy men FCA polıak kompanııasy arasyndaǵy yntymaqtastyq 2018 jyldyń qyrkúıeginde Túrkistan qalasynda ótken «Ejelgi Túrkistan - jańa múmkindikter» atty halyqaralyq forým aıasynda bastalǵan bolatyn.
