Polshalyq Anıta Vlodarchık balǵa laqtyrýdan álemdik rekord ornatty
ASTANA. QazAqparat - 2009 jylǵy álem chempıony, Polsha jeńil atleti Anıta Vlodarchık balǵa laqtyrýdan álemdik rekord ornatty. Vladyslavovoda ótken «Kamılla Skolımovskaıanyń eskertkishi» halyqaralyq jarysynda úshinshi múmkindikte Vlodarchık snarıadty 81,08 metrge laqtyrdy.
29 jastaǵy sportshy 2014 jyldyń tamyz aıynda ornatqan jeke álemdik jetistigin jaqsartty. Sondaı-aq ol tarıhta balǵany 80 metrden asyryp laqtyrǵan birinshi áıel boldy.
Vlodarchık - 2012 jylǵy Olımpıadanyń kúmis júldegeri, 2013 jylǵy álem chempıony, 2012, 2014 jyldardaǵy Eýropanyń eki dúrkin chempıony.
