Polshadan kelgen gýmanıtarlyq kómek Arýjan Saınnyń qaıyrymdylyq qoryna tapsyryldy

ALMATY. QazAqparat - QR Syrtqy ister mınıstrliginiń Almaty qalasyndaǵy ókildiginde «Meıirim» eriktiler qoǵamy» qoryna gýmanıtarlyq kómek tapsyryldy, dep habarlaıdy Syrtqy ister mınıstrliginińbaspasóz qyzmeti.

Іs-shara barysynda QR SІM Almaty qalasyndaǵy ókildiginiń basshysy Erlan Ysqaqov Varshavadaǵy QR Elshiligi uıymdastyrǵan gýmanıtarlyq kómek polshalyq «Wipasz» kompanııasynyń birneshe ret qoldanatyn medıtsınalyq qorǵanys maskalaryn, sondaı-aq Lıýbomırskıı knıaz qorynyń syıǵa bergen 10 noýtbýgyn qamtıtynyn aıtty.

QR bala quqyqtary jónindegi ýákili Arýjan Saınnyń aıtýynsha, alynǵan kompıýterler qashyqtan oqytý úshin kómekke muqtaj balalar arasynda taratylady.

Sonymen qatar, noýtbýktardyń bir bóligi ótken jyldyń qarasha aıynda sátti júzege asyrylǵan «Rýsafa» gýmanıtarlyq aktsııasy aıasynda Iraktan Qazaqstanǵa ákelingen balalarǵa beriledi.