Polshadaǵy saılaýdyń ekzıt-poll qorytyndysy boıynsha eldi jańa prezıdent basqarmaq
ASTANA. QazAqparat - Polshadaǵy prezıdenttik saılaýdyń ekinshi týrynyń aıaqtalýy boıynsha ekzıt-poll nátıjeleri eldiń qazirgi prezıdenti Bronıslav Komorovskııden onyń konservatıvti qarsylasy Andjeı Dýdanyń basym túskenin kórsetti, dep habarlady Bı-bı-sı.
Komarovskıı óziniń bul saılaýda jeńilgenin moıyndap ta úlgerdi.
Júrgizilgen saýalnamalardyń boljaldy nátıjeleri boıynsha Dýdany daýys berýshilerdiń 53%, al Komorovskııdi - 47% qoldaǵan. Saılaýdyń resmı nátıjeleri búgin kúndiz jarııalanady. Dýdanyń jeńisi onyń «Quqyq jáne ádildik» konservatıvtik partııasynyń kúzgi parlament saılaýynda jeńiske jetýin bildirýi múmkin. Polshada prezıdent úkimetke qaraǵanda azyraq ókilettilikke ıe, eger «Quqyq jáne ádildik» jeńiske jetetin bolsa, ıAroslav Kachınskıı qaıtadan úkimetti basqarýy múmkin.
