Polshadaǵy parlamenttik saılaý kúni belgilendi
ASTANA. 4 tamyz. QazAqparat - Polsha Prezıdenti Bronıslav Komorovskıı resmı túrde 9 qazan kúnin parlamenttik saılaý kúni etip jarııalady.
Polsha memleket basshysy saılaý naýqanyna ózi qatysýǵa múddeli emes ekenin jetkizdi, dep habarlaıdy Ýtro.rý agenttigi.
«Men eń jaqsy nátıjelerdi tileımin, partııa qozǵalysynyń naqty jemisine qýanamyn, alaıda ózim tikeleı saılaýǵa qatysýǵa múddeli emespin», - dedi jýrnalısterge Komorovskıı.
Áleýmettik saýalnama nátıjesi boıynsha, el azamattarynyń basym bóligi qazir bıliktegi "Azamattyq platforma» partııasyna daýys berýge nıetti, bul partııany el premer-mınıstri Donald Týsk basqarýda. Ekinshi orynda «Quqyq pen ádilet» atty oppozıtsııalyq partııa tur, partııany qaza tapqan eldiń burynǵy prezıdenti Leh Kachınskııdiń egizi basqarady.
