Polshadaǵy kórmede Qazaqstannyń ulttyq stendi úzdik atandy
Kórmeniń alǵashqy kúni «Kazakh Tourism» UQ» AQ jáne otandyq týroperatorlar Polsha eliniń týrıstik qaýymdastyqtarymen kezdesti. Nátıjesinde Kazakh Tourism men LOT Polish Airlines áýe kompanııasy jáne ekstremaldy is-sharalardy uıymdastyratyn «Runmageddon» agenttigi seriktestik jóninde memorandým bekitti.
«Alǵashqy kúnniń qorytyndysy boıynsha uıymdastyrýshylar túrli nomınatsııa aıasynda úzdik qatysýshylardy anyqtady. Qatysýshy elder arasynda Qazaqstannyń stendi joǵary baǵalanyp, «Úzdik stend» nomınatsııasy boıynsha bas júldeni jeńip aldy. Jyl basynan beri Qazaqstan halyqaralyq týrıstik kórmelerde «Meet QASAQs» taqyrybyndaǵy ulttyq tý túsinde jasalǵan stend jasaǵan edi. Sondaı-aq, elimizdiń mádenı jáne iskerlik baǵdarlamalary da kelýshilerdiń kóńilinen shyqqan», - dep habarlady «Kazakh Tourism» UQ» AQ baspasóz qyzmeti.
Aıta keteıik, 21-23 qarasha aralyǵynda qazaqstandyq týroperatorlar Polshadaǵy áriptesterimen kezdesip, «Meet QAZAQS: Discovering the destination Kazakhstan through travel» taqyrybynda elimizdiń týrızm salasyndaǵy áleýetin tanystyrady.
Atalǵan kórme qatysýshylary Qazaqstan stendi janynda ulttyq dámnen aýyz tıip, qymyzdan jasalǵan sýsyndardy baǵalap, qazaq batyrlarymen selfı jasaı alady.
Polsha elimizdiń týrıstik naryǵynda mańyzdy oryn alady. Oǵan sebep – Polsha turǵyndary úshin vızasyz saıasat jáne Nur-Sultan - Varshava arasyndaǵy tikeleleı reısterdiń qoljetimdiligi.
QR Ulttyq ekonomıka mınıstrligi Statıstıka komıtetiniń málimetine sáıkes, qazaqstanǵa Polshadan 2018 jyly – 15 739 adam, 2017 jyly – 13 565 adam kelgen. ıAǵnı, ótken jylmen salystyrǵanda kórsetkish 16% ósken.
Polsha týrısti úshin elimizde 2-4 kúndik saıahattyń quny 1203 polshalyq zlotyı nemese 117 854 teńgeni quraıdy. Al, 5 nemese odan da kóp kún demalatyn polıaktar orta eseppen 2 484 zlotyı nemese 243 349 teńge jumsaıtyn kórinedi. Saıahat barysyndaǵy shyǵynnyń kóp bóligi kólikke, jatyn orynǵa jáne tamaqqa jumsalady. Aıta keteıik, elimizge kelgen Polsha týrısteriniń 34% óz jubymen, 18% balalarymen jáne 23% dostarymen birge saıahattaıdy.
