Polshadaǵy kól balyqtardyń kómegimen tazartylmaq
ASTANA. QazAqparat - Polsha ǵalymdary jergilikti Gochalkovıtse kólin tazartýdyń tyń ádisin oılap tapty.
Sońǵy jyldary mundaǵy tunyq laılanyp, sý lastana bastaǵan, habarlaıdy 24.kz.
Ǵalymdardyń aıtýynsha, keleńsizdikke kóldegi sazan balyqtar sebepker. Olar sýdaǵy ósimdikterdi tamyrynan qıyp, batpaǵyn kótergen. Zııankesterdi joıý úshin sýǵa jańadan 800 myńǵa jýyq jyrtqysh balyq túrleri jiberildi. Olar negizinen sazanmen qorektenedi.
Aıta keteıik, bul kól Joǵarǵy Sılezııa aımaǵyndaǵy turǵyndardy aýyzsýmen qamtamasyz etip qana qoımaı, balyǵymen de asyrap keledi. Endi onda 800 myń balyqtyń jiberilýi bul kásiptiń de alǵa basýyna áser etedi.
