Polshadaǵy Álem chempıonatynyń alǵashqy jarys kúni qazaqstandyq aýyr atletshiler úshin sátsiz aıaqtaldy
ALMATY. 26 qazan. QazAqparat - Aýyr atletıkadan Polshanyń Vrotslaý qalasynda ótip jatqan Álem chempıonatynda búgin erler arasynda 94, áıelder arasynda 75 keliden joǵary salmaq dárejesi boıynsha medaldar toptamasy sarapqa salynady.
Onda el namysyn Marııa Grabovetskaıa jáne Almas Óteshov pen Vladımır Sedov qorǵamaq. Alǵashqy 6 kúnniń qorytyndysy boıynsha qazir týrnır kestesinde 6 altyn, 1 kúmis, 2 qola medalmen Qytaı quramasy kósh bastap kele jatyr. Úzdik bestikke sondaı-aq, 3 altyn, 2 kúmis, 2 qolamen Reseı, 1 altyn, 5 kúmispen Koreı halyqtyq demokratııalyq respýblıkasy, 1 altynmen Taıvan, 1 kúmis, 1 qolamen Ázirbaıjan komandalary enip otyr.
20 qazan kúni bastalǵan bul baıraqty báseke erteń erler arasyndaǵy 105 keli jáne odan joǵary salmaqtaǵy atletterdiń saıysymen aıaqtalady. Onda Qazaqstan quramasynan Sergeı Istomın, Eskendir Momynbekov (105 kg) jáne Zelımhan Ábýbakarov (+105 kg) óz baqtaryn synaıtyn bolady. Buǵan deıingi saıystarda kúsh synaǵan Galına Mamontova (48 kg), Margarıta Elıseeva (53 kg), Sáýle Sádýakasova (58 kg), Karına Gorıcheva (63 kg), Jazıra Japparqul, Gúlnaz Naýryzova, Anastasııa Halıkova ( 69 kg), Arlı Chonteı, Tımýr Hasarov (56 kg), Albert Lınder (69 kg) júldeden syrt qalǵan bolatyn.
