Polshadaǵy Álem chempıonatynda azııalyq aýyr atletter kósh bastaýda
ALMATY. 23 qazan. QazAqparat - Aýyr atletıkadan Polshanyń Vrochlaý qalasynda ótip jatqan Álem chempıonatynda azııalyqtar alda keledi. Atap aıtqanda 3 altyn, 1 kúmispen Qytaı birinshi, 1 altyn, 2 kúmispen Koreıa Halyqtyq-Demokratııalyq Respýblıkasy ekinshi, 1 altynmen Taıvan úshinshi orynda kele jatyr. Bir-bir kúmis bar Ázirbaıjan men Ekvador tórtinish oryndy, al bir-bir qolasy bar Vetnam, Kolýmbııa, Meksıka, Reseı jánen Taıland quramalary 6-oryndy ózara bólisýde.
Atap aıtqanda, erler arasynda koreılik Om ıÝn Chhol (56 kg) men qytaılyq Lı ıÝn Chen (62 kg), áıelder arasynda qytaılyq Tıan ıÝan (48 kg) men Lı ıAtszıýn (53 kg), taıvandyq Kýo Sın Chýn (58 kg) óz eliniń ánuranyn shyrqatty.
Búgin endi áıelder arasynda 63 kelidegi, erler arasynda 69 kelidegi jeńimpazdar anyqtalady. Bul saıysta el namysyn Sáýle Sádýaqasova (63 kg) men Albert Lınder (69 kg) qorǵaıdy. Al erteń bul mártebege Jazıra Japparqul, Gúlnaz Naýryzova, Anastasııa Halıkova (69 kg), senbide Almas Óteshov pen Vladımır Sedov (94 kg), Marııa Grabovetskaıa (+ 75 kg), jeksenbide Sergeı Istomın, Eskendir Momynbekov (105 kg), Zelımhan Abýbakarov (+105 kg) ıe bolmaq.
