Polshada - jańa premer-mınıstr
ASTANA. QazAqparat - Polıak parlamentiniń tómengi palatasynyń - seım depýtattary premer-mınıstr Eva Kopachtyń jańa úkimetine senim bildirýge daýys berdi.
Onyń komandasyn 259 depýtat qoldady, 183-i - qarsy boldy, úsh parlamentshi qalys qaldy, dep habarlady ITAR-TASS.
Budan buryn Kopach depýtattar aldynda baǵdarlamalyq sóz sóılegen bolatyn. Óz sózinde ol oppozıtsııamen yntymaqtasýǵa, Ýkraınadaǵy jaǵdaıǵa oraı el qaýipsizdigine qamqorlyq jasaýǵa, Reseıdiń jaýap azyq-túlik embargosy engizýine baılanysty zardap shekken kásipkerlerge qoldaý kórsetýge jáne AQSh-pen qatynastardy damytýǵa ýáde berdi. Sonymen birge ol respýblıkanyń ken óndirý sektorynyń problemalaryn sheshý máselesin jedeldetýge mndettendi.
Kopachtyń seımdegi sóılegen sózin «Azamattyq platforma» bılik partııasyndaǵy áriptesteri jáne basqa da birlestikterdegi saıasatkerler joǵary baǵalady. Tipti «Zań jáne ádilettilik» iri oppozıtsııalyq partııasynyń basshysy, eks-premer ıAroslav Kachınskıı keıbir jobalardy muqııat baǵalaı otyryp, burynǵysha úkimetpen yntymaqtasý nıetin bildirdi. Sarapshylardyń atap ótýinshe, qazirgi kabınet bir jyl ǵana - 2015 jylǵy kúzdegi parlamenttik saılaýǵa deıin jumys isteıtinine qaramastan, Kopach óz sózinde aldaǵy birneshe jyldarǵa baǵyttalǵan maqsattardy belgilegen.
