Polshada ushaq apatynan bes adam qaza taýyp, segizi zardap shekti
VARShAVA. QazAqparat – Qaıǵyly jaǵdaı aeroklýb aýmaǵynda jańbyr jaýyp turǵanda bolǵan. Polshalyq BAQ málimetinshe, bul sońǵy 9 jylda kóp adam mert bolǵan áýe apaty, dep habarlaıdy QazAqparat Euronews-ke silteme jasap.
Polshada el astanasynan soltústikke qaraı Hrtsynno aýylynda Varshava aeroklýbynyń ushaqjaıyna shaǵyn jolaýshylar ushaǵy qulap, bes adam qaza taýyp, taǵy 8-i, sonyń ishinde bir bala jaraqat aldy.
Bortta úsh adam bolǵan, bireýi tiri qaldy. Qurbandar arasynda – ushaq ushqyshy bar.
On shaqty adam áýe apatyna deıin jańbyrdan qashyp, ushaqjaıdy panalaǵan edi.
Órt sóndirý qyzmeti ókiliniń aıtýynsha, apat qolaısyz aýa raıynda qonaıyn dep jatqanda oryn aldy. Arnaıy komıssııa oqıǵanyń mán-jaıyn anyqtap jatyr.
