Polshada ýkraındyq avtobýs aýdaryldy, zardap shekkender bar
ASTANA. 1 aqpan. QazAqparat - Polsha aýmaǵynda ýkraındyq avtobýstyń apatqa ushyraýy saldarynan bir jolaýshy áıel qaza taýyp, 10 adam túrli dene jaraqattaryn aldy.
Olardyń barlyǵy ıAroslav jáne Pshevorsk qalalaryndaǵy aýrýhanalarǵa jetkizildi. Bul týraly Polsha telearnasyna silteme jasaǵan jergilikti BAQ ókilderi habarlap otyr, dep jazady Rosbalt.
Atap ótilip otyrǵandaı, apat keshe keshqurym Jeshývsk voevodstvosynda oryn aldy. Lvovtan Slovakııaǵa bet alǵan avtobýsta 38 jolaýshy bolǵan. Olardyń barlyǵy Ýkraına azamattary. Avtobýs jol jaqtaýyna soǵylyp, joldan shyǵyp ketip, aýdarylyp qaldy. Jolda qozǵalys birneshe saǵatqa shekteldi, polıtseıler atalmysh ýchaskede aınalma jol uıymdastyrdy.
Polıtseılerdiń aıtýynsha, avtobýs júrgizýshisi mas bolǵan. Oqıǵa ornynda qutqarý qyzmetteri jumys jasap jatyr.
