Polshada Rım papasynyń kúndeligi jarııalandy
ASTANA. QazAqparat - Rım papasy Ioann Pavel ІІ-niń senimdi ókili men jeke hatshysy Stanıslav Dzıvısh pontıfıktiń amanatyna qaramastan jeke jazbalaryn jarııalaýdy kózdep otyr, dep habarlaıdy RBK.
Rım papasy kómekshisine ómirden ózǵan soń óziniń jeke jazbalary bar qaǵazdaryn órtep, kózin joıýdy tapsyrǵan eken. Alaıda kardınal S.Dzıvısh marqumnyń qundy qaǵazdarynyń kózin joıýǵa «batyly jetpeıtinin» aıtyp, amanatty oryndamaǵan.
«Bári Qudaıdyń qolynda. 1962-2003 jyldar aralyǵyndaǵy jeke jazbalar» dep atalatyn kitap búgin Polshada shyǵaryldy. Onda Karol ıÝzef Voıtyldyń 1962 jyldyń maýsym 2008 jyldyń mamyr aılary aralyǵyndaǵy (keıin Ioann Pavel II atanǵan) dinı kózqarastary jazylǵan. Bir sózben aıtqanda, kitapta pontıfıktiń Polshadaǵy epıskop kezinen bastap álemdik katolıktik sımvolǵa aınalǵanǵa deıingi ómir joly qamtylady.
Alaıda, qasıetti ákeıdiń hatshysynyń bul áreketi halyq arasynda túrli pikirtalas týdyrdy. Kópshilik pontıfıktiń jeke hatshysy bolyp 40 jyldan astam jumys istegen S.Dzıvıshti Rım papasynyń sońǵy amanatyna qııanat jasady dep otyr.
