Polshada Reseı ımperııasyna qarsy kóterilis týraly mylqaý fılm tabyldy
ASTANA. Jeltoqsannyń 3-i. QazAqparat - Polsha ulttyq kınomuraǵaty uzaq ýaqyttan beri joǵaldy dep sanalyp kelgen 1913 jyldyń biregeı fılmimen tolyqty,
dep habarlaıdy QazAqparat Lenta.Rý saıtyna silteme jasap.
«Ratslavıtsa túbindegi Kostıýshko» mylqaý kartınasynda Tadeýsh Kostıýshkonyń basshylyǵymen Reseı ımperııasyna qarsy kóterilis kórinisteriniń biri týraly áńgime bolady.
Basty rólderdi somdaǵandardan basqa eki myńǵa jýyq adamtúsken fılm Birinshi dúnıejúzilik soǵys aldyndaǵy basty polshalyq blokbasterlerdiń birinen boldy.
Ult-azattyq kóterilis 1794 jylǵy naýryzda bastalǵanyn eske salamyz. Kostıýshkonyń qolbasshylyǵymen bolǵan polıak áskerleri patsha áskerin, onyń ishinde Ratslavıtsa túbinde tize búktiredi. Kóterilisshiler Varshavany basyp alady jáne orys-prýssııa áskerı quramalaryna qarsy turyp qalany qorǵap qaldy.
Alaıda qazanda Matseevıtsa túbindegi urysta polıak áskerleri jeńilis tabady, al Kostıýshkonyń ózi aýyr jaraqattanyp, tutqynǵa alynady jáne Petropavl qamalyna jabylady.
«Ratslavıtsa túbindegi Kostıýshko» kartınasynan basqa kınomuraǵattyń saqtalýyna sonymen qatar, 1918 jyly táýelsizdik jarııalanǵannan keıin eldiń tuńǵysh úkimetin basqarǵan Polshanyń taǵy bir qaharmany ıÝzef Pılsýdskige arnalǵan eki fılm tústi.
