Polshada prezıdent saılaýy ótip jatyr
NUR-SULTAN. QazAqparat – Polshada jeksenbi kúngi saılaýdyń ekinshi kezeńiniń qorytyndysy boıynsha tek aldaǵy bes jylda eldi bıleıtin prezıdenttiń aty belgili bolyp qana qoımaı, eldiń damý bolashaǵy da aıqyndalmaq, dep habarlaıdy QazAqparat dw.com-ǵa saıtyna silteme jasap.
«Quqyq pen ádilettik» partııasynan eldiń qazirgi basshysy Andjeı Dýda qatysyp jatyr. Ol dástúrli qundylyqtardy ustanady, ol óziniń mıgrantarǵa qarsy rıtorıkasy men atyshýly sot reformasymen tanymal.
Lıberaldy kózqarasty ustanýshylar ózgeris qajet dep esepteıdi jáne olar bar úmitin Rafal Tshaskovsııge artyp otyr. Ol «Azamattyq platforma» partııasynan qatysyp otyr, Varshava meri. Ol Brıýsselmen qarym-qatynasty qaıta ornatýǵa ýáde berýde.
