Polshada poıyz ben júk kóligi soqtyǵysyp, eki adam qaza taýyp, 25 adam jaralandy
ASTANA. 29 sáýir. QazAqparat - Polshadaǵy poıyz ben júk kóliginiń soqtyǵysýy nátıjesinde, eki adam qaza taýyp 25 adam jaralanǵan, dep habarlady RIA Novostı jergilikti BAQ ókilderine silteme jasap.
Apat kópirdiń mańyndaǵy temir jol ótkeline poıyz kele jatqanda júk kóliginiń shyǵyp qalýynyń saldarynan boldy. Nátıjesinde poıyzdyń tórt vagony relsten shyǵyp ketken.
Jaralylar jedel aýrýhanaǵa jetkizilip, olardyń arasynda ekeýi aýyr halde.
Poıyzdyń baǵyt boıynsha qaıta júrýine birneshe kún kerek.
