Polshada MıG-29 joıǵysh ushaǵy apatqa ushyrady
ASTANA. QazAqparat - Paslenk qalasynyń mańynda Polsha áskerı-áýe kúshteriniń MıG-29 joıǵysh ushaǵy apatqa ushyrady. Bul týraly «QazAqparat» HAA Polsha Respýblıkasy Qorǵanys mınıstrligine silteme jasap habarlaıdy.
«6 shilde kúni Paslenk qalasynyń shetinde (Varmınsk-Mazýrsk voevodstvosy) túngi ushý kezinde 22-shi taktıkalyq avıabazadan ushqan MıG-29 ushaǵy apatqa ushyrady. Pılot Sakývko eldi mekeni aýmaǵynda (Malborkten 18 km qashyqtyqta) katapýltalandy. Jedel járdem dárigeri pılottyń qaza tapqanyn rastady», - delingen Polsha Qorǵanys mınıstrliginiń málimdemesinde.
Vedomstvo ókilderiniń aıtýynsha, qaza tapqan ushqysh ulttyq jáne halyqaralyq oqý-jattyǵýlarǵa qatysqan. Memlekettik komıssııa apat sebepterin tekserip jatyr.
