Polshada kólikti mas kúıinde júrgizgender 15 jylǵa kólik júrgizý quqyǵynan aırylady
ASTANA. 8 qańtar. QazAqparat. - Polsha bıligi mas júrgizýshilerge qatysty sanktsııalardy kúrt kúsheıtti,
dep habarlady Deutsche Welle. Endi birneshe ret kólikti mas kúıinde júrgizgender 15 jylǵa quqyǵynan aıyrylyp, 24 myń eýro kóleminde aıyppul tóleýge májbúr bolady. «Zańnamaǵa túbegeıli ózgerister engizbeı, biz aıtarlyq tez nátıjege qol jetkizbeımiz», - dep atap ótti Polshanyń premer-mınıstri Donald Týsk.
Sonymen birge, 2015 jyldan bastap ár júrgizýshiniń kóliginde alkotester bolýy kerek. Ol kólik ıesine qan quramyndaǵy alkogol mólsheriniń qansha ekenin anyqtaýǵa kómektesedi.
Mas júrgizýshilerge qatysty saktsııalardy kúsheıtýdi Polsha bıligi 2014 jyly 1 qańtarda bolǵan qaıǵyly jaǵdaıdan keıin qolǵa aldy. Onda kólikti mas kúıinde aıdap kele jatqan júrgizýshi jaıaý júrginshiler tobyn basyp ketti. Bes eresek adam men bir bala oqıǵa ornynda qaza tapty. Taǵy eki bala aýrýhanaǵa jetkizildi.
