Polshada qazaqstandyq jastar ortalyǵy ashyldy
SVEChE. QazAqparat - Polshada qazaqstandyq jastar ortalyǵy ashyldy, dep habarlaıdy QazAqparat.
Sársen Amanjolov atyndaǵy Shyǵys Qazaqstan memlekettik ýnıversıteti QR Bilim jáne ǵylym mınıstrligi, Shyǵys Qazaqstan oblysynyń ákimdigi, «Nur Otan» partııasynyń ShQO fılıalynyń qoldaýymen Sveche qalasyndaǵy (Polsha) Lıngvıstıkalyq-tehnologııalyq ýnıversıtetinde «Abaı» mádenı-bilim berý jastar ortalyǵyn ashty.
«Jastarǵa arnalǵan ortalyqtyń ashylýy Qazaqstan Respýblıkasy Prezıdenti N.Nazarbaevtyń bastamasymen jarııalanǵan Jastar jylyna tuspa-tus kelgeni aıryqsha oqıǵa. Atap aıtarym, uly Abaıdyń esimi ortalyqtyń ataýyna berilgenniń ózi mańyzdy. Abaı - qazaqstandyq mádenıettiń qundy sımvoldarynyń biri», - dedi S. Amanjolov atyndaǵy ShQMÝ rektory, professor Muhtar Tólegen.
Onyń aıtýynsha, ýnıversıtette Abaıtanýdyń baı dástúri men Qazaqstanǵa tanymal ǵalym Aıjan Qartaevanyń ǵylymı mektebi bar.
«Bizdiń oqý ornynda Abaı aqynnyń oılaryna arnalǵan abaıtaný boıynsha konferentsııalar uıymdastyrylady, monografııalar men ǵylymı maqalalar jarııalandy, dıplom men magıstrlik jumystar jazylýda. Bul degenińiz, bizdiń ǵalymdar men bilimgerlerdiń Abaı men onyń shyǵarmashylyǵy, dúnıetanymy týraly aıtatyny kóp deýge bolady», - dedi Muhtar Tólegen.
Jańa ortalyq mádenıettermen, bilim berý baǵdarlamalary men halyqaralyq ǵylymı jobalarmen almasý úshin ınteraktıvti alańǵa aınalady, akademııalyq utqyrlyqty damytýǵa jáne Qazaqstan men Polshanyń joǵary oqý oryndarynyń arasynda qos dıplomdy bilim berýge yqpal etetin bolady.
Ortalyqtyń ashylýyna baılanysty eki jaq tarapynan kóptegen jumystar atqarylǵan. Polsha tarapy jeke ǵımarat usyndy, al ony kórkemdeý boıynsha qazaqstandyq tarap Qazaqstan týraly polıak, aǵylshyn, qazaq jáne orys tilderinde kitaptar, sonymen qatar mádenı artefaktilerdi berdi.
Shyǵys qazaqstandyq delegatsııa atynan Lıngvıstıkalyq-tehnologııalyq ýnıversıtetine syı retinde mádenı qundylyqqa ıe músinshi Dáýren Doshanov oryndaǵan «Abaı» músini men sýretshi Álibek Shoqanovtyń «Abaı» sýreti berildi. Al Lıngvıstıkalyq-tehnologııalyq ýnıversıtet rektory Eljbette Shternalǵa S. Amanjolov atyndaǵy ShQMÝ rektory M. Tólegen Abaı atyndaǵy medaldy tabys etti.
Ortalyqtyń ashylýy kúni Óskemen qalasynda Polsha memleketimen onlaın rejimde «Mádenıetter dıalogyndaǵy ýnıversıtetterdiń róli» atty dóńgelek ústel ótti.
Eki eldiń joǵary oqý oryndary yntymaqtastyǵynyń kelesi qadamy retinde S. Amanjolov atyndaǵy ShQMÝ-da «Kopernık» mádenı-bilim berý ortalyǵy ashylady.
