Polshada qazaqstandyq stýdent qyzdy tramvaı qaǵyp ketip, mert qyldy
KATOVITsE. QazAqparat – Polshada bilim alyp jatqan qazaqstandyq stýdent qyzdy tramvaı qaǵyp ketti, dep habarlaıdy QazAqparat.
«Polsha polıtsııasynyń qazaqstandyq dıplomattarǵa bergen aqparatyna sáıkes, aǵymdaǵy jyldyń 27 qarashasynda Katovıtse qalasynda tramvaıdyń qaǵyp ketýi saldarynan 2000 jyly týǵan Qazaqstan azamaty qaza tapty. Ol Katovıtse Ekonomıka ýnıversıtetiniń stýdenti bolǵan. Qazirgi ýaqytta marqumnyń jaqyn týystarymen baılanys ornatyldy. Olarǵa vıza alýǵa barynsha kómek kórsetilýde, denesin elge jiberý úshin jerleý bıýrosymen kelissózder júrgizilýde», - delingen QR Syrtqy ister mınıstrliginiń málimetinde.
