Polshada qaraǵandylyq «Shahterdiń» jankúıerler klýby paıda boldy
ASTANA. 23 tamyz. QazAqparat - Chempıondar lıgasynda shotlandııalyq "Seltıkti" jeńgennen keıin Eýropada qaraǵandylyq «Shahterdiń» ásire jankúıerleri paıda boldy, dep habarlaıdy Vesti.kz tilshisi.
20 tamyzda Feısbýk áleýmettik jelisinde "Shahterdiń" polshalyq fan-klýbynyń paraqshasy paıda boldy. Qazir oǵan 300-den astam adam jazylǵan. Polshalyq jankúıerler arnaıy moıynshalmalar shyǵaryp, qazaqstandyq jankúıerlermen baılanys ornatyp, "Shahterdiń" oıyndaryn birge tamashalamaq.
"Paraqshanyń bir de bir redaktory Polshada "Shahterdiń" jankúıerleri sonshalyqty kóp bolar dep oılamaǵan shyǵar. Qoldaýlaryńyzǵa myń da bir rahmet. Bir aptadan keıin biz chempıondar lıgasynyń toptyq kezeńi úshin pleı-off oınaıtynymyzdy esten shyǵarmańyzdar", - dep aıtylǵan komanda habarlamalarynyń birinde.
Polshamen kórshiles Germanııada da "Shahterdiń" jankúıerler klýby bar ekenin aıta ketken jón. Oǵan kóbinese Qaraǵandynyń burynǵy turǵyndary kiredi. Nemis jankúıerleri saıt ashyp, múmkindiginshe oıyndardy baqylap otyrady.
