Polshada eki saǵatta uıqy qandyratyn qurylǵy ázirlendi
ASTANA. QazAqparat - Polshalyq fırma eki-úsh saǵatta uıqy qandyratyn «uıqy kartasyn» oılap tapty. Bul týraly utro.ru habarlady.
Qurylǵy bir qaraǵanda betperdege uqsaıdy, onyń tetigi aǵzanyń, atap aıtsaq mı qyzmetin, kóz almasynyń qozǵalysyn, bulshyq ettiń kúsh túsirýiniń bıologııalyq belgisin ólsheıdi. Jınalǵan derekter smartfonǵa jiberiledi, sodan arnaıy baǵdarlama paıdalanýshynyń uıqy kartasyn jasaıdy. Baǵdarlamanyń kómegimen paıdalanýshy uıyqtaıtyn ýaqytty jáne túngi uıqynyń uzaqtyǵyn belgileıdi.
Atalmysh qurylǵyny óndiriske jiberýge ǵalamtor paıdalanýshylary kómektesken. Atap aıtqanda, bir adam óz ónimin sıpattap, 100 myń dollar kómek surap áleýmettik jelilerdiń birine ornalastyrady. Ónertabys áleýetti satyp alýshylardy qyzyqtyrǵany sonshalyq, ony oılap taqan adamǵa járdem retinde 430 myń dollarǵa deıin qarjy jınap bergen.
Dárigerler bul kartany turaqty paıdalanýǵa bolmaıtynyn eskertedi. Sebebi, eresek adamdar táýligine 5-10 saǵat tynyǵý qajet. «Bul sátte aǵza tereń uıqyda demalǵany abzal, komanda berip, jasandy uıyqtaý qalaı bolǵanda da kúmándi», - deıdi olar.
