Polshada eki poıyz soǵysyp, 13 adam qaza tapty
ASTANA. 4 naýryz. QazAqparat - Senbi kúni keshkisin Polshanyń ońtústiginde eki poıyz soqtyǵysyp, 13 adam qaza tapty, shamamen 50 adam jaraqat aldy,
olardyń 40-ynyń jaǵdaıy óte aýyr, dep habarlady Lenta-rý saıty.
Degenmen, RKR memlekettik temir jol kompanııasy 8 adamnyń qaza tapqandyǵyn resmı qýattap otyr. Qutqarýshylar vagon qırandylarynyń astynan zardap shekken adamdardy shyǵarýda. Óte aýyr jaraqat alǵan 40 adam aýrýhanaǵa jetkizilip, jeńil-jelpi jaraqat alǵan 93 jolaýshy taıaý mańdaǵy mektepke ýaqytsha ornalastyryldy.
Eki poıyz Polsha astanasynan shamamen 200 shaqyrym jerde soqtyǵysqan. Birinshi quram Pshemyslden Varshavaǵa, al ekinshisi Varshavadan Krakovke saparlap bara jatqan. Varshavadan shyqqan poıyzdyń bul jolmen júrmeýi kerek edi. Basqa jolǵa qalaı túskendigi ázirshe belgisiz.
Polsha ishki ister mınıstriniń málimetteri boıynsha birinshi poıyzda shamamen 250, al ekinshisinde 120 adam bolǵan.
