Polshada búkilhalyqtyq referendým bastaldy
ASTANA. QazAqparat - Polshada jeksenbi kúni salyqtyq zańnamaǵa ózgerister engizý, seımge saılaýda bir mandatty okrýgter engizý, saıası partııalardy qarjylandyrý máselelerin qaıta qaraý boıynsha búkilhalyqtyq referendým bastaldy, dep habarlady RIA Novostı.
Polsha Senaty (parlamenttiń joǵarǵy palatasy) 21 mamyrda sol kezdegi el prezıdenti Bronıslav Komorovskııdiń 6 qyrkúıekte mańyzdy máseleler boıynsha búkilhalyqtyq referendým ótkizý týraly zańnamalyq bastamasyn qoldaǵan bolatyn.
Jalpyulttyq referendýmǵa úsh másele shyǵaryldy: atap aıtqanda, Polsha seımine (parlamenttiń tómengi palatasy) bir mandatty saılaý okrýgterin engizý, bıýdjetten saıası partııalardy qarjylandyrýdy joıý, sondaı-aq salyq tóleýshi paıdasyna salyq zańnamasyna ózgerister engizý.
Polshanyń Memlekettik saılaý komıssııasy habarlaǵandaı, daýys beretin ýchaskeler jeksenbi saǵat 6.00-de (7.00 msk) ashyldy jáne orta eýropalyq ýaqyt boıynsha saǵat 22:00-ge (23.00 msk) deıin jumys isteıdi.
