Polshada bombany qaýipsiz jerge shyǵarý úshin 10 myń adam evakýatsııalandy
ASTANA. QazAqparat - Jeksenbide Polshalyq Belostok qalasynda ekinshi dúnıejúzilik soǵys ýaqytyndaǵy salmaǵy 500 keli jarylmaǵan bombany qaýipsiz jerge shyǵarý úshin 10 myńdaı turǵyn evakýatsııalandy, dep habarlady TASS.
Qalanyń resmı saıtynda habarlanǵandaı, adamdardy kóshirý úshin tańerteń arnaıy avtobýstar keldi.
Bomba tabylǵan orynnan radıýsy 1,3 shaqyrym aýmaqta ornalasqan belostoktyń 60 kóshesiniń turǵyny óz úılerinen kete turýy tıis - barlyǵy 7,3 myń adam. Jaqyn kentterden taǵy 2,8 myń adam kóshiriledi. Josparǵa sáıkes túske deıin qýipti aımaq tolyqtaı bosatylady.
Nemis avıatsııalyq bombasy qurylys jumysy kezinde tabyldy. Belostok meri Tadeýsh Trýskolaskııdiń aıtýynsha, «qazir turǵyndar úshin qaýip joq», qaýipti zat kúzetilýde. Alaıda ony tasymaldaǵan kezde qıyndyqtar týyndaýy múmkin, sondyqtan jaýapty qyzmetter evakýatsııalaý sheshimin qabyldady.
