Polshada bes kún ishinde aıazdyń saldarynan 40-qa jýyq adam úsip óldi
ASTANA. 6 jeltoqsan. QazAqparat - Polshada jeltoqsannyń alǵashqy bes kúninde aıazdyń saldarynan 37 adam úsip óldi, dep habarlady RBK agenttigi.
Eldiń Ulttyq qutqarý ortalyǵynyń aqparatyna qaraǵanda, qaza bolǵandardyń kópshiligi úı-kúısiz jandar bolǵan. Kún qatty salqyndaı bastaǵannan beri barlyǵy 52 adam mert boldy. Ásirese Lıtva men Belarýspen shektesetin Podlıaskoe voevodstvosynda kún óte sýyq boldy. Munda temperatýra 27 gradýstan 32 gradýsqa deıin sýytty. Aıazdar men qardyń qalyń túsýinen elde temirjol jáne avtomobıl qatynasy zardap shekti. Birqatar mektepter men memlekettik mekemeler jabyldy.
