Polshada anasy qaıtys bolǵannan keıin 55 kúnnen soń náreste dúnıege keldi
ASTANA. QazAqparat - Vrotslavta ýnıversıtette klınıkalyq aýrýhanada ol týǵanǵa deıin 55 kún buryn anasy qaıtys bolǵan er bala dúnıege keldi. Dárigerlerdiń aıtýynsha, bul tańǵalarlyq jaǵdaı zamanaýı medıtsınalyq qurylǵynyń arqasynda múmkin boldy.
Radıo Polsha habarlaǵandaı, 45 jastaǵy polshalyq áıel obyrmen aýyrǵan. Júktiliktiń 17 aptasynda naýqastyń mıy ólgeni anyqtalǵan. Biraq áıeldiń júregi soǵyp turǵan, dárigerler balanyń ómiri úshin kúresýge sheshim qabyldaǵan.
Arnaıy jabdyqtyń arqasynda dárigerler anasynyń óimir súrýin qoldap kelgen. 55 kúnnen keıin balany dúnıege ákelýdi sheship, balany jaryp alǵan.
RMF FM radıosynyń aqparatyna sáıkes náreste 9 aqpanda dúnıege kelgen. Onyń salmaǵy ne bary 1 keli bolǵan. Oǵan qarqyndy terapııa jasaldy. Bir aıdan keıin balany respıratordan ajyratty. Taǵy eki aıdan keıin úıine shyǵardy. Qazir bala aman-esen. Salmaǵy 3 keli, ony ákesi tárbıeleýde.
