Polshada «altyn poıyzdy» izdeý maýsym aıynda bastalady
ASTANA. QazAqparat - Polshada qazyna tasymaldap, Ekinshi dúnıejúzilik soǵys kezinde iz-tússiz joǵalǵan «altyn poıyzdy» izdeý jumystary maýsym aıynda bastalýy múmkin. Bul týraly Polska Times gazeti jazdy.
Basylymnyń jazýyna qaraǵanda, qazyna izdeıtinderde qazba jumystaryn bastaýǵa kóne eskertkishterdi qorǵaýmen aınalysatyn uıymnyń ǵana ruqsaty alynbaǵan. Qujatty alǵan kezde, «altyn poıyzdyń» qalǵan jer - Vrotslav - Valbjıh temir jolynyń 65-shi shaqyrymynda izdeý jumystary bastalady.
Polıak BAQ-tary «altyn poıyz» dep baǵaly metaldar, altyn, qarý-jaraq, sondaı-aq muraǵattar men óner týyndylaryn tasymaldaǵan uzyndyǵy 150 metrlik gıtlerlik saýtty poıyzdy ataıdy.
Breslaý qorǵanynan (qazirgi Vrotslav) Valbjıhqa shyqqan quram iz-tússiz joǵalyp ketken. Tarıhshylar men izdeýshiler poıyzdyń fashısterdiń Tómengi Sılezııa taýlarynda bombalaýdan qorǵaný úshin qazǵan týnnelderde jasyryp qoıǵan dep boljaıdy.
