Polshada alǵashqy koronavırýs jaǵdaıy rastaldy
VARShAVA. QazAqparat – Polshanyń densaýlyq saqtaý mınıstri Lýkash Shýmovskıı Polshadaǵy alǵashqy koronavırýs juqtyrý jaǵdaıyn rastady. Bul týraly QazAqparat Polsha densaýlyq saqtaý mınıstrligine silteme jasap habarlaıdy.
Polsha densaýlyq saqtaý mınıstrliginiń resmı málimetinshe, barlyq protsedýra qajetti deńgeıde júrgizilgen. Naýqastyń jaǵdaıy jaqsy, qazir ol aýrýhanada jatyr. Barlyǵy 584 test júrgizildi, sonyń ishinde tek bireýi oń nátıje berdi.
«Ýáde etkenimizdeı, test oń nátıje bergen kezde muny birden habarlaıtynymyzdy aıtqan edik. Búgin osy jaǵdaı bolyp jatyr. Biz Polshadaǵy koronavırýs ınfektsııasy rastalǵan alǵashqy naýqastyń oń nátıjesin aldyq», - dedi Lýkash Shýmovskıı sársenbi kúngi arnaıy baspasóz máslıhatynda.
Onyń aıtýynsha, naýqas qazir Zelena-Gýra qalasynda aýrýhanada jatyr. Ol Germanııadan kelgen. Onymen baılanysta bolǵan barlyq adam karantınge alyndy.
Avtor: Rınat Dýsýmov
