Polshada 750 jyldyq emen órtendi
ASTANA. QazAqparat - Polshada shyqqan órt eldegi eń kóne aǵash bolyp esepteletin, 750 jyl boıy ósip kele jatqan emenge de zııanyn tıgizdi, dep habarlady Associated Press.
Aldyn ala boljam boıynsha aǵashqa qasaqana ot qoıǵan.
Shprotavadaǵy bas ormanshynyń kómekshisi Ejı Vılanovskı (Jerzy Wilanowski) órt saqshylary tilsiz jaýmen 30 saǵattan astam arpalysqanyn málimdedi. Sondaı-aq ol, emenniń qanshalyqty zaqymdanǵany kóktemde ǵana belgili bolatynyn jetkizdi.
Aǵashty korol Boleslav Hrabryıdyń qurmetine «Hrabryı» («Chrobry») dep ataǵan. Aǵash dińiniń kólemi 10 metrden asady, bıiktigi 28 metrden artyq. Jergilikti zańǵa sáıkes, kóne emendi órtegen adam on jylǵa deıin bas bostandyǵynan aıyrylýy múmkin.
