Polshada 6 qazaqstandyq boksshy qyz jartylaı fınalǵa shyqty
QR Boks federatsııasynyń baspasóz qyzmeti málim etkendeı, atalǵan dodanyń úshinshi kúni sharshy alańǵa shyqqan bes boksshy qyzymyzdyń barlyǵy qarsylastaryn aıqyn basymdyqpen utyp, jartylaı fınalǵa joldama aldy.
Aıtalyq, Áıgerim Qasenaeva (49 keli) shırek fınalda kanadalyq Enn Markotty tize búktirse, Jaına Shekerbekova (51 keli) ¼ kezeńinde frantsııalyq Delfın Mansınıdi 5:0 esebimen utty.
Al, Karına Ibragımova (60 keli) Shvetsııa Koroldiginiń ókili Agnes Aleksıýssondy jeńip, jartylaı fınalǵa joldama alsa, Vlada Kýhta (57 keli) kanadalyq Sabrına Aýbınniń (Kanada) sharshy alańǵa shyqpaýyna baılanysty kelesi kezeńge ótti. Sońǵy bolyp rıngke kóterilgen Lázzat Kúngeıbaeva (81+ keli) Patrıtsııa Braýnnan (Polsha) basym tústi. Tóreshi birinshi raýndta-aq kezdesýdi toqtatyp, jeńisti jerlesimizge berdi. Sonymen qatar, 12 qyrkúıek kúni taǵy bir otandasymyz Mılana Safronova da (64 keli) shırek fınaldaǵy qarsylasyn utyp, jartylaı fınalǵa ótken bolatyn.
Osymen 13-shi ret ótip otyrǵan halyqaralyq týrnırge Qazaqstan Respýblıkasyn qosqanda 21 eldiń ókilderi qatysyp jatyr. Jarys 15 qyrkúıek kúni máresine jetedi.
