Polsha telearnasy Qazaqstanda ulttyq aspazdyq óner týraly 4 serııaly baǵdarlama túsirdi
NUR- SULTAN. QazAqparat - Polshanyń tanymal telearnasy otandyq gastronomııa týraly túsirilim jasady, dep habarlaıdy QazAqparat.
«Ústimizdegi jyldyń 13 - 22 maýsym kúnderi Polshanyń «Food Network» telearnasy «Maklowicz w drodze» (Maklovıchpen saıahattaý) atty aspazdyq baǵdarlamasynyń túsirý toby Qazaqstanda boldy. Onyń júrgizýshisi tanymal polshalyq telejúrgizýshi ári aspazshy Robert Maklovıch. Túsirý toby Nur-Sultan, Almaty jáne Shymkent qalalarynda bolyp, túsirilim jasady. Úsh qalada ulttyq aspazdyq ónerimen tanysyp, 4 serııadan turatyn fılm ázirledi. Telebaǵdarlama aldaǵy kúzde atalǵan telearnadan kórsetiletin bolady», - dep habarlaıdy «Kazakh Tourism» ulttyq kompanııasy.
Ulttyq kompanııanyń habarlaýynsha, túsirilim toby azpazdyq ónerden bólek, ózderi toqtaǵan óńirlerdiń tanymal oryndarymen tanysty.
Aıta ketsek, Food Network telearnasy Discovery Communications, Inc álemdik deńdeıdegi tanymal televızııalyq jeliniń bir bóligi bolyp tabylady. Ol Eýropanyń 130 elimen qatar, Taıaý Shyǵys, Afrıka, Tynyq muhıty jáne Azııa elderine táýlik boıy 22 tilde aqparat taratady.
Al «Maklowicz w drodze» - ár eldiń ulttyq taǵamyn televızııa efırinde ázirleý arqyly kórsetip, dáripteıtin aspazdyq baǵdarlama.
Eske sala keteıik, atalǵan shara Polshadaǵy Qazaqstan elshiliginiń bastamasymen jáne «Kazakh Tourism» ulttyq kompanııasynyń uıytqy bolýymen júzege asyryldy.
