Polsha Senatynyń marshaly Qazaqstandy BUU Qaýipsizdik keńesiniń múshesi bolýymen quttyqtady

ASTANA. QazAqparat - Varshavada Qazaqstannyń Polshadaǵy Elshisi Altaı Ábıbýllaev Polsha Senatynyń marshaly Stanıslav Karchevskıımen kezdesti. Kezdesý barysynda ekijaqty qarym-qatynastardyń ózekti máseleleri talqylanyp, parlamentaralyq dıalogty nyǵaıtý keleshegi sóz boldy. Bul týraly QR Syrtqy ister mınıstrliginiń baspasóz qyzmetinen habarlandy.

Qazaqstan Elshisi elderimizdiń tıisti quqyqtyq bazasyn qamtamasyz etetin eki el parlamentshileriniń yntymaqtastyǵyn nyǵaıtýdyń mańyzdylyǵyn atap ótti. Sonymen qatar, ol senatordy Qazaqstannyń áleýmettik-ekonomıkalyq saıasaty men ekijaqty yntymaqtastyqtyń keleshegimen, sondaı-aq Memleket basshysynyń jahandyq jáne óńirlik bastamalarymen tanystyrdy. Elshi Senat tóraǵasyn 28-29 tamyzda Astanada ótetin «ıAdrolyq qarýsyz álem qurý» halyqaralyq konferentsııasyna shaqyrdy.

Óz kezeginde, S. Karchevskıı osy jyldyń mamyr aıynda ótken Qazaqstanǵa resmı sapary barysynda jyly qabyldaýy úshin shyn júrekten el basshylyǵyna alǵysyn bildirdi. Polıak spıkeri QR Prezıdenti Nursultan Nazarbaevpen jeke kezdesýiden alǵan áserlerimen bólisip, taǵy da óz saparynyń jemisti uıymdastyrǵany úshin Qazaqstan Parlamenti Senatynyń tóraǵasy Qasym-JomartToqaevqa rızashylyǵyn bildirdi. Spıker Qazaqstanda júzege asyrylyp jatqan saıası jáne áleýmettik-ekonomıkalyq reformalardy oń baǵalap, eki el arasyndaǵy ekijaqty yntymaqtastyqtyń áleýetin tilge tıek etip, ol Qazaqstanmen yntymaqtastyqty nyǵaıtý jolynda óz jumysyn jalǵastyrýǵa nıetti ekenin atap ótti.

«Men Qazaqstan Prezıdentin jáne barsha qazaqstandyqtardy 2017-2018 jyldarǵa BUU-nyń Qaýipsizdik Keńesiniń quramyna turaqty emes múshe bolyp saılanǵanymen quttyqtaǵym keledi. Jalpy  Qazaqstan EAEO keńistiginde Polshanyń mańyzdy áriptesi bolyp tabylady», - deı kele Senat Basshysy ekijaqty jáne kópjaqty yntymaqtastyqtyń barlyq salalary boıynsha odan ári yntymaqtastyqty nyǵaıtýǵa erekshe qyzyǵýshylyq bildiretinine nazar aýdardy.