Polsha prezıdentiniń mindetterin B.Komarovskıı atqaratyn bolady
ASTANA. Sáýirdiń 10-y. QazAqparat - Búgin avıaapatta qazaǵa ushyraǵan Leh Kachynskııdiń ornyna Polsha Prezıdentiniń mindetterin seım marshaly (parlamenttiń tómengi palatasy) Bronıslav Komarovskıı atqaratyn bolady, dep habarlady RBK agenttigi polıak BAQ-taryna silteme jasap.
Ókimet bıliginiń bulaısha kóshý tetigi Polsha Konstıtýtsııasynda kózdelgen, dep habarlandy. Eki aptanyń ishinde seım marshaly memleket basshysy qyzmetine jańa prezıdenttik saılaý ótkizý kúnin jarııalaýǵa mindetti.
Budan buryn, Polsha SІM el prezıdenti Leh Kachynskııdiń Smolensk túbinde avıaapat saldarynan qazaǵa ushyraǵanyn qýattady. Polsha SІM baspasóz hatshysy Petr Pashkovskııdiń aıtýynsha, Polsha úkimeti shuǵyl otyrysqa jınalýda.
Búgin máskeý ýaqytymen 10:50-de Smolensk oblysyndaǵy Pechersk qalasynyń túbinde Severnyı áýejaıyna qonarda kúshti tuman bolýy jaǵdaıynda Polsha prezıdentiniń TÝ-154 ushaǵy apatqa ushyrady. Ushaq bortynda naqtylanǵan málimetter boıynsha, 96 adam bolǵan, sonyń ishinde Polsha prezıdenti L.Kachynskıı jáne onyń zaıyby, olardyń barlyǵy da qaza boldy. Bul fakt boıynsha QQ-tiń 3-bólimi 263-baby boıynsha (abaısyzda eki jáne odan da kóp adamnyń ólimine ákep soqqan áýe kóligi qozǵalysy qaýipsizdik erejelerin buzý) qylmystyq is qozǵaldy.
