Polsha prezıdenti jol apatyna ushyrady

ASTANA. QazAqparat - Polshanyń prezıdenti Andjeı Dýda jol apatyna ushyrady. Ol otyrǵan lımýzın qatty kele jatqanda artqy dóńgelegi jarylǵan, abyroı bolǵanda júrgizýshi jol shetindegi shuńqyrǵa buryp úlgergen. Qazir úkimettiń kúzet qyzmeti jol oqıǵasyn tekserýge kiristi, dep habarlaıdy reseılik RBK agenttigi.

Polsha prezıdenti Andjeı Dýda Karpach qalasynan Levın-Bjeskıı qalasyna bara jatqanynda A4 tas jolynda jol oqıǵasyna ushyrady. Polıak radıosynyń habarlaýynsha, memleket basshysy otyrǵan lımýzın qatty jyldamdyqpen kele jatqanda artqy dóńgelegi jarylyp ketken.

Júrgizýshi qarsy kele jatqan kólikterge soǵylyp qalmaý úshin burylyp jol shetindegi shuńqyrǵa túsip ketken. Oqıǵadan eshkim zardap shekpegen. Dýda kortejdegi basqa kólikke otyryp saparyn jalǵastyrǵan.
TVN telearnasyna suhbat bergen Dýda avtomobıl kıývetke túsip ketkenin aıtyp, eshkimniń zardap shekpegenin jetkizgen. «Asa úlken apat bolmady» dep málimdedi ol. Onyń aıtýynsha, kólik dóńgelegi udaıy tekserilip turatyndyqtan mundaı jaǵdaı qaıtalanbaýy tıis.
Úkimettiń kúzet bıýrosynyń basshysy, polkovnık Andjeı Pavlıkovskıı oqıǵadan soń dereý tekserýdi bastady, jarylǵan dóńgelek shınasy arnaıy saraptamaǵa jiberildi.