Polsha Prezıdenti L.Kachınskıdiń ushaǵy apatqa ushyrady, 87 adam qaza boldy
ASTANA. Sáýirdiń 10-y. QazAqparat - Polsha Prezıdenti L.Kachınskı mingen ushaq Smolensk túbinde apatqa ushyrady, dep habarlaıdy RBK Reseıdiń Tótenshe jaǵdaılar mınıstrligine silteme jasap. Apat saldarynan, aldyn-ala málimetter boıynsha, 87 adam qaza bolǵan.
Tótenshe jaǵdaılar qyzmetinen habarlaǵandaı, Polshadan Smolenskige ushyp kelgen Tý-154 ushaǵy máskeý ýaqyty boıynsha saǵat 10.56-da jerge qonar kezde apatqa ushyraǵan. Oqıǵa ornynda qazir qutqarý qyzmetteri jumys isteýde, apattyń sebebi anyqtalýda.
Polsha ókimetiniń ókilderi Reuters agenttigine, ushaq bortynda Polsha Prezıdenti Leh Kachınskı men onyń zaıyby bolǵanyn rastady. L.Kachınskı 1940 jyly NKVD organy polıak jaýyngerleri men ofıtserlerin atyp tastaǵan faktimen tanymal Katyn eldi-mekenine bara jatqan.
