Polsha prezıdenti koronavırýsqa shaldyqty
VARShAVA. QazAqparat – Polsha prezıdenti Andjeı Dýdanyń koronavırýsqa tapsyrǵan test qorytyndysy oń bolyp shyqty, dep habarlaıdy QazAqparat.
«Berilgen keńesterge sáıkes, keshe prezıdent Andjeı Dýda koronavırýsqa test tapsyrdy. Onyń qorytyndysy oń bolyp shyqty. Prezıdent ózin jaqsy sezinedi. Biz tıisti medıtsınalyq qyzmettermen únemi baılanystamyz», - dep jazdy Twitter-de Polsha prezıdentiniń baspasóz hatshysy Blajeı Spyhalskı.
Eske sala ketsek, keshe Polshada bir táýlik ishinde koronavırýsqa shaldyǵýdyń jańa antırekordy ornatyldy. Elde 13 632 adamnyń qaýipti vırýs juqtyrǵany anyqtalǵan. Bul – epıdemııa bastalǵaly elde tirkelgen eń úlken kórsetkish.
