Polsha Prezıdenti Eva Kopachty jańa premer-mınıstr etip taǵaıyndaıdy
ASTANA. QazAqparat - Polsha Prezıdenti Bronıslav Komorovskıı dúısenbi kúni Eva Kopachty premer-mınıstr etip taǵaıyndaıdy jáne oǵan eldiń jańa úkimetin jasaqtaýdy tapsyrady, dep habarlady memleket basshysynyń baspasóz hatshysy Ioanna Tshaska-Vechorek.
Komorovskıı 11 qyrkúıekte Brıýsselde 30 tamyzda EO sammıtinde Eýrokeńes tóraǵasy bolyp saılanǵan premer Donald Týskiniń otstavkasyn qabyldaǵan bolatyn. Týsk óziniń jańa mindetterin atqarýǵa osy jylǵy 1 jeltoqsanda kirisedi.
Prezıdent bolashaq premer-mınıstrmen 12 qyrkúıekte óziniń Varshavadaǵy Belvederdegi resmı rezıdentsııasynda kezdesti.
«Prezıdent Bronıslav Komarovskııdiń premer qyzmetine koalıtsııa kandıdaty Eva Kopachpen kezdesýi dúısenbi kúni jalǵasady. Dúısenbide Polsha Prezıdenti oǵan jańa úkimetti jasaqtaýdy tapsyrady. Jańa úkimetti taǵaıyndaý 22 qyrkúıekte bolady», - dedi Tshaska-Vechorek.
Budan buryn Kopach 26 qyrkúıekte Seımde jańa úkimettiń baǵdarlamalyq málimdemesimen sóz sóılep, parlamentshilerden senim bildirýdi suraıtynyn málim etken bolayn.
Eva Kopach 1956 jyly 3 jeltoqsanda Polshanyń Skaryshev qalasynda týǵan. Mamandyǵy dáriger. IV, V, VI jáne VII shaqyrylǵan Polsha Seıminiń depýtaty. 2007-2011 jyldary Polshanyń densaýlyq saqtaý mınıstri. 2011 jyldan - Polsha Seıminiń spıkeri. 2001 jyldan «Azamattyq tuǵyrnamada», 2013 jylǵy 14 jeltoqsanda bıleýshi partııa tóraǵasynyń birinshi orynbasary bolyp saılandy, dep habarlady reseılik «Jańalyqtar» agenttigi.
