Polsha poshta arqyly prezıdenttik saılaý ótkizýge daıyndalýda
NUR-SULTAN. QazAqparat - Polsha poshta arqyly prezıdenttik saılaý júrgizýge daıyndalýda, dep habarlaıdy euronews.com.
Oppozıtsııanyń jáne quqyq qorǵaýshylardyń shaqyrýyna qaramastan Polsha úkimeti koronavırýs pandemııasy jaǵdaıynda 10 mamyrda poshta arqyly ótkizilýi belgilengen prezıdenttik saılaý kúnin aýystyrýdan bas tartty.
Baqylaýshylar qazirgi prezıdent Andjeı Dýdany saılaýshylardyń shamamen 60% qoldaýǵa daıyn ekendigin atap ótedi.
Memleket basshysy laýazymyna alty kandıdat úmitker bolyp otyr.
«Quqyq jáne Ádilettik» basqarýshy partııa kóshbasshysy ıAroslav Kachınskııdiń tapsyrmasy boıynsha daıyndalǵan poshta arqyly daýys berý rásimin Polsha seımi sáýir aıynyń basynda maquldaǵan edi.
Taıaý arada qashyqtan daýys berý týraly zań jobasyn senat qaraýy tıis.
Polshanyń premer-mınıstri Mateýsh Moravetskıı syrttaı daýys berýdiń qaýipsiz ekendigi týraly málimdedi jáne senatorlardy osy usynysty qoldaýǵa shaqyrdy.
Poshta arqyly daýys berýge eldiń birqatar burynǵy prezıdentteri men premerleri, sonyń ishinde Donald Týsk qarsy ekendikterin málim etti.
Al Eýrokomıssııa Polshada saılaýdyń erkin jáne ádil ótýin kútetindigi atap ótken.
Degenmen sońǵy áleýmettik saýalnamalardyń derekterine qaraǵanda, eger saılaý 10 mamyrda ótkiziletin bolsa, onda saılaýshylardyń 30% kemi ǵana daýys berýge daıyn ekendigin kórsetip otyr.
