Polsha men Germanııada úzdik dep tanylǵan qazaqstandyq fılm prokatqa shyqty
«18 kılogerts» fılminiń álemdik tusaýkeseri Varshava halyqaralyq kınofestıvalinde ótken bolatyn. Onda kınokartına bas júldeni jeńip aldy .
Keıin fılm Kotbýsta (Germanııa) ótken 30-shy halyqaralyq kınofestıvalnde úzdik dep tanyldy.
Fılm Zara Esenamannyń «Hardkor» povesiniń jelisi boıynsha túsirilgen. Kartınada 90-jyldardyń sońyndaǵy jasóspirimderdiń ómiri baıandalady.
«Atalǵan fılmdi jaryqqa shyǵarýǵa úsh jyl ketti. Bul oqıǵanyń jalǵasy joq. Qazir biz osy taqyrypta taǵy bir fılm túsirip jatyrmyz. Bul joly qazirgi zamannyń qyzdaryn kórsetemiz. Biz jasóspirimder ómiriniń nazardan tys qalatyn tustaryn kórsetemiz «, - deıdi rejısser Farhat Sháripov.
Fılm túsirilimi Almatyda ótti. Basty rolderdi úlken kınoda alǵash ret debıýt jasaǵan jas akterler somdady, olar - Musahan Jumahan, Álibek Ádiken, Kamıla Fýn-So.
«18 kılogerts - eresekter estimeıtin dybys jıiligi. Fılm jasóspirimderdiń problemalaryna arnalǵan. Óse kele jyl saıyn jastardyń problemasyn túsiný kúrdelenedi, ol ózimiz jasóspirim kezimizde de sheshilmeıtindeı kórinetin. Jol taba almaı, sharasyz qalǵanda seziletin qorqynysh kúshin eske túsirý qıyn. Bul fılm arqyly osynyń bárin eske salǵym keldi», - deıdi Sháripov.
Aıta keteık, «18 kılogerts» fılmi Azııadaǵy eń iri kınofestıvalde - Pýsan halyqaralyq kınofestıvaliniń «Azııa kınosyna tereze» atty konkýrstyq baǵdarlamasynda da kórsetildi .
