Polsha quramasynyń jattyqtyrýshysy F.Smýda «Eýro-2012»-degi sátsizdikten keıin qyzmetinen ketpek
ASTANA. 17 maýsym. QazAqparat - Polshanyń fýtboldan bas jattyqtyrýshysy Frantsıshek Smýda óz qyzmetinen ketetindigin jarııa etti,
dep habarlaıdy Reuters.
Aıta keteıik, "Eýro-2012" toptyq kezeńiniń 3-shi týrynda polıaktar Chehııa quramasyna 0:1 esebimen ese jiberip, týrnırdiń shırek fınalyna óte almaǵan edi. Óz alańynda ótken Eýropa chempıonatynda F.Smýda shákirtteri 2-aq upaı jınady. Bul pleı-off oıyndaryna shyǵýǵa jetkiliksiz. Birinshi týrda Polsha Grekııamen (1:1), ekinshi oıynda Reseımen (1:1) teń oınap, sheshýshi oıynda Chehııadan (0:1) utylyp qalǵan bolatyn.
