Polsha — Qazaqstannyń Eýropadaǵy mańyzdy seriktesiniń biri - Aqan Rahmetýllın
Polsha Syrtqy ister mınıstri Zbıgnev Raý Ortalyq Azııa elderine sapary aıasynda eki kúndik resmı saparmen Qazaqstanǵa keldi.
«Osy jyly biz qos mereıtoıdy atap ótemiz – Qazaqstan Respýblıkasynyń EQYU-ǵa qosylǵanyna jáne elimiz ben Polsha Respýblıkasy arasynda dıplomatııalyq qatynastardyń ornatylǵanyna 30 jyl. Bul oraıda mınıstr Zbıgnev Raýdyń sapary bıylǵy mereıtoılyq jylda ótýiniń sımvoldyq máni bar. Qazaqstan qaýipsizdiktiń áskerı-saıası, ekonomıkalyq-ekologııalyq jáne gýmanıtarlyq sııaqty barlyq úsh ólsheminde EQYU-men belsendi túrde ózara is-qımyl jasap keledi», - dedi A. Rahmetýllın.
Osy oraıda ol elimiz 2010 jyly Qazaqstanda EQYU-ǵa qatysýshy elderdiń memleket jáne úkimet basshylarynyń Sammıtin ótkizý, sondaı-aq Astana Deklaratsııasyn qabyldaý arqyly uıymnyń damýyna eleýli úles qosqanyn atap ótti.
«Ekijaqty qatynastar turǵysynda osy jyldar ishinde dostyq pen senimge bekitilgen qazaqstandyq-polıak seriktestigi nyǵaıyp, oń baǵytynda damýyn jalǵastyryp keledi. Buǵan ekijaqty jáne kópjaqty formattaǵy ózara konstrýktıvti árekettestik jáne belsendi saýda-ekonomıkalyq ári ınvestıtsııalyq yntymaqtastyq dálel bola alady. Polsha Qazaqstannyń Ortalyq jáne Shyǵys Eýropa óńirindegi mańyzdy jáne perspektıvaly áriptesi bolyp sanalady. Óz kezeginde, biz Polshanyń Ortalyq Azııadaǵy negizgi seriktesi bolýǵa degen umtylysymyzdy rastaımyz», - dedi QR Syrtqy ister mınıstriniń birinshi orynbasary.
