Polsha elshisi QR Beıbit jıyndar týraly zań jobasyna pikir bildirdi
NUR-SULTAN. QazAqparat - Polsha Respýblıkasynyń Qazaqstandaǵy elshisi Selım Hazbıevıch QR Beıbit jıyndardy uıymdastyrý men ótkizý tártibi týraly zań jobasyna pikir bildirdi, dep habarlaıdy QazAqparat tilshisi.
«Qazaqstannyń Beıbit jıyndar týraly zań jobasymen tanystym. Bul - óte qyzyqty qadam. Bul protsess Batys Qaýymdastyǵy aldynda Qazaqstannyń mereıin ósiredi. Men Qazaqstandy demokratııalyq qoǵamǵa jol ashyp jatqan damyǵan memleket dep sanaımyn. Bul Qazaqstan men Eýropalyq odaq arasyndaǵy dostyq qarym-qatynastar úshin de paıdaly. Qazaqstan Úkimetiniń durys baǵytta kele jatqany kórinip tur. Bul tájirıbe Qazaqstannyń saıası, qoǵamdyq jáne ekonomıkalyq ómirine, demokratııalyq júıeniń damýyna paıdaly bolady dep oılaımyn. Bul - Qazaqstan Úkimeti jasap jatqan úlken qadamnyń bastaýy», - dedi Polsha elshisi QR Syrtqy ister mınıstrliginde ótken kezdesýde.
Aıta keteıik, búgin QR Syrtqy ister mınıstrliginde dıplomatııalyq korpýs ókilderi Beıbit jıyndardy uıymdastyrý men ótkizý tártibi týraly zań jobasyn talqylady.
Buǵan deıin Belarýs respýblıkasynyń Qazaqstandaǵy elshisi Anatolıı Nıchkasov jáne Nıderlandy Koroldiginiń Qazaqstandaǵy elshisi Andreı Karstens atalǵan zań jobasy týraly pikir bildirgen edi.
