Polsha BUU Qaýipsizdik Keńesinde Qazaqstannyń tájirıbesin paıdalanady
«Men BUU Qaýipsizdik Keńesiniń turaqty emes músheligine polıak kandıdatýrasyn qoldaǵany úshin Prezıdent myrzaǵa alǵysymdy bildirdim. Biz 190 daýys jınap, tamasha nátıjemen saılandyq. Qazirgi ýaqytta Qazaqstan BUU Qaýipsizdik Keńesiniń múshesi bolyp sanalady. Aldaǵy jylda biz birge bolamyz. Óz tarabymyzdan yntymaqtastyqqa daıyn ekendigimizdi málimdeımiz. Biz Qazaqstanyń tájirıbesin qoldanatyn bolamyz», - dedi Polsha Prezıdenti Aqordada Elbasy Nursultan Nazarbaevpen keńeıtilgen quramdaǵy kelissózderden keıingi birlesken málimdeme jasaý barysynda.
Onyń paıymynsha, qazirgi ýaqytta Qazaqstan Sırııadaǵy áskerı janjaldy toqtatýǵa baǵyttalǵan (Astana protsesi) mańyzdy mıssııany júzege asyrý ústinde.
«Demek, Qaýipsizdik keńesindegi Qazaqstannyń róli shyn máninde mańyzdy jáne atalǵan qurylym aıasyndaǵy jumystardyń ereksheligi týraly aqparattarǵa rızashylyq bildiremiz», - dedi Dýda.
Óz kezeginde Qazaqstan Prezıdenti Nursultan Nazarbaev Polshanyń QR men EO seriktestigi men yntymaqtastyǵyn keńeıtý týraly kelisimdi ratıfıkatsııalaǵany úshin alǵysyn bildirdi.
«Kelissózderdiń jekelegen blogy óńirlik jáne halyqaralyq saıasattaǵy ózekti máselelerge arnaldy. Bul baǵytta bizdiń elderimizge qatysy bar jaıttar óte kóp», - dep atap ótti Memleket basshysy.