Polsha-Belarýs shekarasynda júk kólikteri tizilip tur
Agenttiktiń málimetinshe, reseılik jáne belarýs júk tasymaldaýshylary EO-dan santsııalar merzimi aıaqtalǵansha shyǵyp ketýge tyrysýda.
Eýroodaq dári-dármek, poshta nemese munaı ónimderin tasymaldaıtyndardy qospaǵanda, Reseı men Belarýsten keletin júk kólikterine Eýroodaq aýmaǵyna kirýge nemese sonda qalýǵa tyıym saldy.
Kólikterdiń kezegi 80 shaqyrymǵa deıin sozylǵan.
Aıta keteıik, eki shekara beketindegi júk kólikteriniń sany 230-dan 400-ge deıin jetedi.
Belarýs Kólik mınıstrligi Eýroodaqqa múshe elderde tirkelgen kólikterge qatysty olarǵa qarsy sharalar qabyldady.
«2022 jylǵy 16 sáýirde saǵat 00:00-den bastap Eýropalyq Odaq aýmaǵynda tirkelgen avtokólikterdi (jáne tirkep súıreıtin kólikterdi) Eýrazııalyq ekonomıkalyq odaqtyń kedendik shekarasy arqyly Belarýske ótkizýge tyıym salynady», - dep habarlaıdy Belarýs Kólik mınıstrliginiń saıty.
Olardyń júk operatsııalaryn jáne qaıta aǵytýdy júzege asyrý úshin belgili bir ótkizý pýnktileri arqyly arnaıy belgilengen oryndarǵa júrýine bul talap qoldanylmaıdy.
