Pol Makkartnı Tokıo aýrýhanasyna jatqyzyldy
ASTANA. QazAqparat - Belgili brıtandyq rok-mýzykant Pol Makkartnı Tokıdaǵy aýrýhanaǵa jatqyzyldy, dep habarlaıdy «USA Today» basylymyna silteme jasaı otyryp «RIA Novostı».
Makkartnı aýyrýy syr bere bastaǵan soń Japonııa men Ońtústik Koreıadaǵy birneshe kontsertterin keıinge qaldyrǵan. «USA Today» biraq bul aqparattyń áli rastalmaǵanyn atap ótti.
Budan buryn Makkartnı syrqattanyp qalǵandyqtan ótken jáne osy aptaǵa belgilengen Japonııadaǵy tórt kontsertin, sonymen birge 28 mamyrda Seýlde ótetin kontsertin keıinge qaldyrǵanyn habarlaǵan bolatynbyz. Kelesi aıda brıtandyq mýzykant AQSh-ta birneshe shoý ótkizýi tıis bolatyn. Olardyń keıinge qaldyrǵany týraly habarlama ázirge bolǵan joq. Djeıms Pol Makkartnı 1942 jyly 18 maýsymda Lıverpýlde dúnıege keldi. 1960 jyldan 1970 jylǵa deıin aty ańyzǵa aınalǵan «The Beatles» tobynyń ánshisi boldy, odan ketkennen keıin qazirgi ýaqytqa deıin jeke oryndaýshylyqpen aınalysyp keledi. 1997 jylǵy naýryzda Makkartnı mýzykany damytýǵa qosqan úlesi úshin serilik ataǵyn alǵan. 2011 jyly «Rolling Stone» jýrnalynyń saýalnamasyna sáıkes Makkartnı barlyq ýaqyttyń úzdik bas-gıtarashysynyń biri bolyp tanyldy.
