Pol Makkartnı men Mık Djagger Londonda Olımpıada-2012-de óner kórsetý úshin básekege tústi
ASTANA.. Tamyzdyń 10-y. QazAqparat - Pol Makkartnı men Mık Djagger brıtan astanasyndaǵy Olımpıada-2012 saltanatyn ashý quqyn alý úshin básekege túsýde, dep habarlaıdy ITAR-TASS.
«Rollıng» pen «Makkany» mýzyka áleminde qazirgi zamannyń kózi tiri eki «bıtlderi» dep teginnen tegin atamaıdy. Olar jaqynda amerıkan fýtboly boıynsha AQSh-ta ótkizilgen Sýperklýb chempıonatynda 100 mln. adam jınalǵan halyqaralyq aýdıtorııanyń aldynda óner kórsetti.
Degenmen Londonda ótkiziletin búkilálemdik sport merekesiniń ashylýynda tek olardyń bireýi tańdalyp, óner kórsetetin bolady. Ekeýi nege qatar án oryndamaıdy degen saýaldarǵa Oıyndy uıymdastyrýshylardyń ókili ekeýiniń tek bireýi ǵana degennen artyq mardymdy jaýap bere almady, dep jazady «Deılı star» gazeti.
«Árıne, álemdik ataq-dańqy bar Mık Djagger men Pol Makkartnıdiń mundaı jarqyn sport merekesinde óner kórsetkileri kelýi biz úshin mártebe. Alaıda sheshim tek bireýin tańdaýǵa múmkindik berip tur», - dedi Olımpıadany uıymdastyrýshylardyń ókili.
