«Polfarma» men «Astana Medıtsına ýnıversıteti» Ózara túsinistik týraly memorandýmǵa qol qoıdy

ASTANA. 24 mamyr. QazAqparat - Búgin elordada ótip jatqan VI Astana ekonomıkalyq forýmy aıasynda ótken «Ulttyq saıasat. Densaýlyq saqtaýdy áleýmettik jańǵyrtý» sessııasynyń qorytyndysy boıynsha

«Polfarma» (POLPHARMA SA) kompanııasy Qadaǵalaýshy keńesiniń tóraǵasy, Polsha Respýblıkasyndaǵy Qazaqstannyń Qurmetti konsýly E.Starak pen «Astana Medıtsına ýnıversıteti» AQ rektory M.Shaıdarov Ózara túsinistik týraly memorandýmǵa qol qoıdy.

Onda densaýlyq saqtaý salasynda ózara yntymaqtastyqty damytý, farmatsevtıkalyq óndiriste zerthanalar men ónerkásiptik telimderdi uıymdastyrý jáne qyzmetin júrgizýde tájirıbe almasý qarastyrylǵan.

Ózara túsinistik týraly memorandýmǵa qol qoıýdaǵy maqsat medıtsınalyq jáne basqarýshy qyzmetkerlerdiń biliktiligin arttyrý baǵdarlamalaryn uıymdastyrý jáne ótkizý, birlesken ǵylymı-zertteý qyzmetin damytýǵa jaǵdaı jasaý.

Atalǵan joba densaýlyq saqtaý salasyndaǵy memlekettik-jekemenshik áriptestikti damytýdyń naqty mysaly bola alady jáne el azamattarynyń ómir sapasyn arttyrýǵa baǵyttalǵan.