Poker oınaıtyn zal ashqan Shymkent turǵyny sottaldy
ShYMKENT. QazAqparat - Shymkent qalasy ál-Farabı aýdandyq sotynyń úkimimen zańsyz oıyn bıznesin uıymdastyrǵan azamattyń 1 jylǵa bas bostandyǵy shekteldi. Ol sonymen qatar 100 saǵat májbúrli eńbekke tartylady, dep habarlaıdy QazAqparat.
Qarjy monıtorıngi komıtetiniń Shymkent qalasy boıynsha ekonomıkalyq tergeý departamenti Shymkent qalasy Qonaev dańǵylyna páterdi jalǵa alyp, onyń bir bólmesinde zańsyz poker oıynyn uıymdastyrý faktisin anyqtady.
ıAǵnı, ol Qazaqstan Respýblıkasy «Oıyn bıznesi týraly» zańynyń talaptaryn óreskel buzyp, oıyn bıznesi salasyndaǵy qyzmetpen aınalysýǵa arnaýly ruqsat almaǵan.
Sóıtip joǵaryda atalǵan mekenjaıda zańsyz oıyn mekemesin ashyp, ony ustap, uıymdastyryp, júrgizýmen aınalysqan.
Aıǵaq zat retinde alynǵan 100 000 teńge aqsha qarajaty memleket paıdasyna tárkilendi, poker oıynyna arnalǵan dıller tasy jáne 200 dana kazıno fıshkalary joıyldy.
