«Podstepnoe — Fedorovka — Reseı Federatsııasynyń shekarasy»: BQO-da avtomobıl joly paıdalanýǵa berildi
ORAL. KAZINFORM — Respýblıka kúni qarsańynda uzyndyǵy 144 shaqyrym bolatyn «Podstepnoe — Fedorovka — RF shekarasy» avtomobıl jolynyń barlyq ýchaskesinde asfaltbeton jabynyn tóseý jumysy tolyq aıaqtaldy.
Avtomobıl jolynyń «QazAvtoJol» UK» AQ teńgerimindegi 0-36 shaqyrym jáne 108-144-shaqyrym aralyǵyndaǵy ýchaskelerinde jumys burynyraq aıaqtalyp, paıdalanýǵa berilgen edi.
Al joldyń 36-72-shaqyrymy, 72-108-shaqyrymy aralyǵyndaǵy bóligi Qarashyǵanaq Petroleým Opereıtıng b. v. qarajaty esebinen 2024 jyly bastalyp, búginde tolyq jańarýdan ótti.
Qazirgi tańda asfaltbeton jabynyn tóseý tolyq aıaqtaldy.
Endi tek joldyń qosymsha ınfraqurylymyn retke keltirý, sonyń ishinde jol tańbalaryn syzý, jerdi rekýltıvatsııalaý (qalpyna keltirý), jol jıegine kópjyldyq shóp egý jáne jobada qarastyrylǵan basqa da jumys jasalyp jatyr. Ol qarasha aıynyń sońyna deıin aıaqtalmaq.
